How to learn?

كيف ابدأ تعلم الانجليزية

⚠️ هنا بعض النصائح والارشادات في تعلم اللغة من تجربة شخصية

1⃣ أولا لا تشتت نفسك في أي لهجة انجليزية انا اتعلم ، الانجليزية واحدة سواء في امريكا ولا بريطانيا ولا كندا ولا استراليا. الجميع يفهم بعض والاختلاف بينهم في امور بسيطة جدا ولا تسبب بينهم مشاكل في الفهم الموضوع مايستاهل كل هالتعقيد 😇👌🏽

2⃣ لا تشتت نفسك بتحميل الكتب والملفات والتطبيقات الانجليزية الكثيره وتجميعها بعشوائية هذي الطريقة ماراح تجيب نتيجة 💿📱📚

3⃣ تحتاج تدرس من منهج متكامل تنتظم عليه،عن تجربة ما انصح في الدراسة بالمعاهد خصوصا اذا كنت على رأس عمل أو طالب جامعي لأنها بتاخذ عليك وقت وجهد ومال. افضل تجربة كانت لي في معهد british council المجلس الثقافي البريطاني في مدينة جدة بالسعودية، مناهجهم قوية وكل اللي يدرسونا بريطانيين بس للاسف اسعارهم غالية جدا اخذت مستوى واحد فقط . الحل الأن فيه عالنت مواقع كثيرة تدرس مناهج متكاملة يدرسونك من المستوى المبتدأ وياخذونك لمستويات أعلى بالتدرج. انا لي تجربة مع موقعيين وصراحه استفدت منهم كثير الموقع الأول أمريكي : englishlive.ef.com والموقع الثاني بريطاني وانزل لكم منه دروس في هذي القناة : lingualia.com انصحكم تشتركو في واحد منهم حتى تبدأ تتعلم بالتدرج وتبدأ من مستوى سهل وتأخذ الكلمات الاساسية حبه حبه واهم شيء كل اللي تتعلمه سجله عندك في دفتر خاص. هذي الموقعين تغنيك عن المعاهد واسعارها معقولة وفي بيتك تتعلم بس تحتاج منك عزيمة واصرار. ايضا منهج BBC البريطاني على موقعهم مجاني متكامل وانصح فيه بقوة ابحث بقوقل bbc.co.uk/learningenglish عندهم برنامج من الصفر لين مستويات متقدمة 🤗✌🏽

4⃣ تعلم اهم واشهر الكلمات والجمل الشائعة في اللغة : بالنسبة للكلمات في كتاب English Vocabulary in Use وفيه OXFORD PICTURE DICTIONARY ، بالنسبة للعبارات الشائعة هذا الموقع ممتاز talkenglish.com/speaking 🙇🏻🌟 + تعلم قواعد الأزمنة من دورتي بالاعلى 💯 أو من كتاب English Grammar In Use موجود عالنت أو جرير تبع جامعة كامبردج.

5⃣ فبداية مرحلة تعلم اللغة تحتاج تترجم الكلمات للعربي وراح تستخدم المترجم كثير لين تتكسر يدك انصحكم في تطبيق Dict Plus عالايفون أو استخدم مترجم قوقل لترجمة الكلمات فقط ” انتبه تكتب العبارات كامله وتترجمها ” ❌ بعد فترة من التعّلم حيصير عندك مخزون كلمات اساسية يعني لما تقرأ جمل جديدة بالمخزون اللي عندك راح تخمن المعنى، دايما حاول تخمن وتشغل عقلك مو فكل ماتشوف كلمة جديدة تفتح المترجم 😡 خصوصا في في هذه المرحلة وللتأكد من المعنى اللي خمنته انصحكم باستخدم قاموس اكسفورد أو لونقمان – على النت – انا اشتريت قاموس لونقمان على اللابتوب ويعطيني شرح لكل كلمة بالانجليزية لكن بلغة بسيطة اساسية وينطقها بالصوت ويكتب لي عبارات عن الكلمة شيء جممميل 😍. كنت اذا واجهت كلمات في الشرح ما اعرفها اترجمها عربي وبمجرد ماتفهم الشرح راح تفهم معنى الكلمة. وهذه الطريقة تخليني اكسب كلمات جديده من خلال قراءة شرح الكلمة وافكر بالانجليزي واعرف الكلمات الاخرى اللي بنفس المعنى بالانجليزي.

6⃣ بعض الاحيان تمل من الكتب ومن المناهج وتحب تشوف الشرح بالفيديو انصحكم بقنوات اليوتيوب التعليمية في قنوات ممتازه تابعوهم : duncaninchina / JenniferESL / engvidenglish عندهم دروس حلوه كلمات شائعه وتعابير وايضا قواعد الأزمنة. 💻🌀

7⃣ اسمعو للراديو او برامج البرودكاست حتى لو ماتفهم شيء ، راح تمر عليك كلمات من اللي درستها راح تسمع نطقها بشكل صحيح وترسخ في عقلك من غير ماتدري انصحكم في BBC Radio أو VOA English او متابعة برامج البرودكاست على Spotlight أو ESL PodCast برامج البرودكاست جميله انت تختار موضوع وتسمع عنه ويجيك النص. بالنسبة للمبتدئيين موقع برتش كانسل يقدم هذي الخددمة learnenglish.britishcouncil.org/en/elementary-podcasts وكمان موقع BBC bbc.co.uk/learningenglish/english/features/6-minute-english للمستوى المتوسط. وايضا هذا بريطاني : podcastsinenglish.com 🙎🏼👱🏼

8⃣ تحميل الافلام الاجنبية مع تحميل الترجمة الانجليزية والعربية وعرضها بنفس الوقت على نفس الشاشة مع كتابة العبارات الهامه والكلمات الجديدة في دفترك الخاص . عرض الترجمتين باستخدام Media Player Classic ابحثو باليوتيوب : وضع ترجمتين عربى وانجليزي على الفيلم وطبقو الشرح. انصحكم بافلام الأطفال animation movies انجليزتها واضحه وسهله وموجهه للأطفال خصوصا اللي تبع disney
📺🎥😘

9⃣ مواقع التواصل الاجتماعي تعلمك الكثير تعلمك الانجليزية العاميه تبعهم تعلمك انجليزية حقيقية : ابحث في اليوتيوب عن الموضوع اللي تحبه مثلا تحب كمال الاجسام تحبي الطبخ تحبي المكياج تحب الفلوقات تابعو الفيديوهات عاليوتيوب. عندك تويتر شوف الهاشتاقات الاجنبيه واقرا فيها وانستقرام فيه حسابات اقتباسات انجليزيه وسناب تابع الاعلانات واللايف و Whisper تغريدات بالصور جمميل جدا وبرنامج البث Younow وبرنامج Periscope شوفو الاجانب كيف يتكلمو وكيف يعلقون على المقاطع وكيف يغردون في تويتر ويشاركون في الهاشتاق وتعلمو من كتاباتهم تابعو الحسابات الاجنبية وادرسو ايش يكتبو وحاولو تفهم شغل مترجمك واكتب في دفترك اللي تعلمته وراجع اللي تعلمته. اللغه ماهي فقط منهج وكتاب تذاكر منه !. 💪🏾😈

🔟 مواقع المقالات والاخبار مع النص والصوت يتم كتابة الخبر بمستويات هذا موقع learningenglish.voanews.com + breakingnewsenglish.com + هذا موقع للاطفال واللي 18 سنة ممتاز جدا cbeebies.com 🗞📰 ايضا موقع BBC News 👍🏻

🗣 باقي جانب اتقان المحادثة بطلاقة وهو الاصعب في اللغه كثير منا يجيد القواعد وشاطر فيها وعنده كلمات كثيره سواء عامه او اكاديمية لكن وقت المحادثة يتعتع ويفكر في تكوين الجمله هذا شيء طبيعي جدا ، اعرف ناس كثيرين والله يكتبون بشكل ممتاز ودرجاتهم في الايلتس فوق 6 وايضا عندهم الاستماع ممتاز ويفهم بسرعه بدون مشاهدة الترجمة الانجليزية ، لكن عنده مشكله المحادثة وهذي تحتاج لها تتكلم مع ناس فيه مواقع ناس تبي تتعلم عربي وهم يتكلمو معاك انجليزي .. مثلا خليه يحكيك ايش سوا اليوم وخليه يقول بالعربي وانت صحح له ثم العكس وسجل اخطأك في دفتر استخدم برنامج HelloTalk أو gospeaky.com أو mylanguageexchange.com أو conversationexchange.com للتواصل مع اجانب او اشترك في موقع كامبلي لكن بفلوس اسعارهم جيده وحاول تتكلم كل يوم 30 دقيقه مع اجانب. وهذا موقع مجاني يعلمك كيف تتكلم elllo.org مجاني بالفيديو. كمان تقدر تستخدم موقع البث Younow أو Periscope واكتب عنوان البحث practice my english أو فعل هاشتاق اجنبي وراح يجونك اشخاص يسألوك وانت جاوب اهم شي تكلم ولا تخاف مع الوقت راح تتعلم من اخطاءك. ❗️🎙

❣️ اخيرا لا تخرج بعيد عن اللي كتبته فوق وراح توصل لنتيجه 📝

⚠️ ملاحظة اللي تعلمته لازم تراجعه مافيه فايدة من انك كل يوم تتعلم شيء جديد ثم تنساه ! المراجعه اهم من أنك تتعلم شيء جديد 🙈👌🏽

❣️ حط في بالك اللغة تحتاج وقت علشان ترسخ في عقلك وتتكلم بطلاقة ممكن المدة تطوول معاك لكن مع الاستمرارية راح تلقى النتيجة لاحد يضحك عليك يقولك لازم تسافر برى علشان تتعلم ، تقدر تتعلم وانت في بيتك وتتعلم افضل من اللي سافرو. المسألة كلها ترجع لك شوف ايش اهدافك وانت ليش تبي تتعلم اللغه واستمر وباذن الله توصل. تذكر راح توصل حتى لو طالت المدة وماراح تصدق نفسك فقط خليك مستمر مع الانجليزية ولا تقطعها ومع التكرار راح تصير اللغه سهله معاك.

ارجو التواصل معي للاستفسارات والطلبات والمقترحات 💐
لا تنسوني من دعاءكم لي ولوالديّ ولكم مثلها ❣️

🕴🇬🇧 @EnglishUK 👈🏼

Leave a Comment